నారాయణ శతకము - బమ్మెర పోతన

విషయ సూచిక : అ  ఆ  ఇ  ఈ  ఉ  ఊ  ఋ  ౠ  ఎ  ఏ  ఐ  ఒ  ఓ  ఔ  అం  అః  క  ఖ  గ  ఘ  ఙ  చ  ఛ  జ  ఝ  ఞ  ట  ఠ  డ  ఢ  ణ  త  థ  ద  ధ  న  ప  ఫ  బ  భ  మ  య  ర  ల  వ  శ  ష  స  హ  ళ  క్ష  ఱ 

అ (5)     Add New Padyam      

---

• అధికాఘౌఘ తమోదివాకరమునై యద్రీంద్రజా జిహ్వకున్
  సుధయై వేదవినూత్నరత్నములకున్ సూత్రాభిధానంబునై
  బుధసందోహ మనోహరాంకురమునై భూదేవతాకోటికిన్
  విధులై మీ బహునామరాజి వెలయున్ వేదాత్మ, నారాయణా !  - Added By Chary
  
  
• అన్నాకృష్ణమ నేడు వేల్పులకు మీఁదన్నార మీచట్లలో
  వెన్నల్ ముట్టకు మన్న నాక్షణమున న్విశ్వాకృతిస్ఫూర్తివై
  యున్నన్ దిక్కులు చూచుచున్ బెగడి నిన్నోలి న్నుతుల్ సేయుచున్
  గన్నుల్ మూయ యశోదకున్ జిఱుతవై కన్పింతు, నారాయణా !  - Added By Chary
  
  
• అపరాధంబులు నిన్ను నమ్మి విను మే నాజన్మపర్యంతమున్
  విపరీతంబుగఁ జేసినాఁడ నిఁక నీవే దిక్కు నాలోనికిన్
  గపటం బింతయు లేక దండధరుకుం గట్టీక రక్షింపు మీ
  కృపకుం బాత్రుఁడ నయ్య ధర్మపురి లక్ష్మీనాథ నారాయణా !  - Added By Chary
  
  
• అమరుల్ రాక్షసనాయకుల్ కడఁకతో నత్యంతసామర్ధ్యులై
  భ్రమరీదండము మందరాచలముగాఁ బాథోనిధిం ద్రచ్చగా
  దమకించెన్ భువనత్రయంబును గిరుల్ దంతావళుల్ మ్రొగ్గినం
  గమఠంబై ధరియించి మించిన జగత్కల్యాణ నారాయణా !  - Added By Chary
  
  
• అల నీటం దగురొంపిపైఁ జిలికిన న్నానీటనే పాయు నా
  యిల పాపంబులు దుర్భరత్వము మహాహేయంబునం బొందినం
  బలువై జీవుని దొప్పఁదోఁగినవి యీబాహ్యంబునం బాయునే
  పొలియుం గాక భవత్సుపాదజలముం బ్రోక్షింప నారాయణా !  - Added By Chary
  
  

ఆ (0)     Add New Padyam      

---

ఇ (2)     Add New Padyam      

---

• ఇరవొందన్ సచరాచరప్రతతుల న్నెన్నంగ శక్యంబు కా
  కరయన్ పద్మభవాండ భాండచయము న్నారాంగ మీకుక్షిలో
  నరుదార న్నుదయించుఁ బెంచు నడఁగు న్నన్నారికేళోద్భవాం
  తర వాఃపూరము చంద మొంది యెపుడున్ దైత్యారి నారాయణా !  - Added By Chary
  
  
• ఇల నెవ్వారి మనంబులో నెఱుక దా నెంతెంత గల్గుండు నా
  కొలదిం జెంది వెలుంగుచుందు కలయ న్గోవింద నీ రూపులన్
  అలరన్నంబు మితంబు లై సరసిలో నంభోరుహంబుల్ దగన్
  నిల నొప్పారెడు చంద మొందె దెపుడు న్నీలాంగ నారాయణా !  - Added By Chary
  
  

ఈ (0)     Add New Padyam      

---

ఉ (1)     Add New Padyam      

---

• ఉల్లోలంబుగాఁ గురుల్ నుదుటిపై నుప్పొంగ మోమెత్తి ధ
  మ్మిల్లం బల్లలనాడ రాగరససమ్మిశ్రంబుగా నీవు వ్రే
  పల్లెం దాడుచు గోప గోనివహ గోపస్త్రీల యుల్లంబు మీ
  పిల్లంగ్రోవిని జుట్టి రాఁ దిగుచు నీ పెంపొప్పు, నారాయణా !  - Added By Chary
  
  

ఊ (0)     Add New Padyam      

---

ఋ (0)     Add New Padyam      

---

ౠ (0)     Add New Padyam      

---

ఎ (1)     Add New Padyam      

---

• ఎల రారన్ భవదీయనామకథనం బేమర్త్యుచిత్తంబులోఁ
  బొలుపారం దగిలుండునేని యఘముల్ పొందంగ నెట్లోపెడున్
  కలయం బావకుచేతఁ బట్టువడు నక్కాష్ఠంబుపైఁ గీటముల్
  నిలువన్నేర్చునె భక్తపోషణ కృపానిత్యాత్మ, నారాయణా !  - Added By Chary
  
  

ఏ (1)     Add New Padyam      

---

• ఏ భావంబున నిన్ దలంచె గజయూధేంద్రుండు ఆపన్నుఁడై
  యే భావంబున ద్రౌప దయ్యెడ రమాధీశా యనె న్వాయసం
  బే భావంబున నీ శరణ్య మనెనో యీ నీ కృపాదృష్టిచే
  నా భావంబున నీ తలంపుఁ గలుగ న్నాకిమ్ము నారాయణా !  - Added By Chary
  
  

ఐ (0)     Add New Padyam      

---

ఒ (2)     Add New Padyam      

---

• ఒకకాంతామణి కొక్క డీవు మఱియు న్నొక్కర్తె కొక్కండవై
  సకలస్త్రీలకు సంతతం బలర రాసక్రీడ తన్మధ్య క
  ల్పకమూలంబు సవేణునాదరస మొప్పంగా బదార్వేల గో
  పికలం జెంది వినోద మొందునెడ నీ పెంపొప్పు నారాయణా !  - Added By Chary
  
  
• ఒరులం దన్ను నెఱుంగు నియ్యెఱుకయు న్నొప్పార నేకాంత మం
  దరయం బై పడు నన్యభామినులపై నాకాంక్షదూరత్వమున్
  మరణావస్థను నీదునామములె సన్మానంబునం దోఁచుటల్
  ధరలోన న్నివి దుర్లభంబులు సుధాధామాక్ష నారాయణా !  - Added By Chary
  
  

ఓ (0)     Add New Padyam      

---

ఔ (0)     Add New Padyam      

---

అం (0)     Add New Padyam      

---

అః (0)     Add New Padyam      

---

క (12)     Add New Padyam      

---

• కడకంటం గడలేని సంపద లొగిం గావింపు లక్ష్మీశ పా
  ల్కడలిన్ బన్నగశాయివై భువనముల్ గల్పించు సత్పుత్రునిన్
  బొడమన్ జేసిన నాభిపంకజ జగత్పుణ్యాత్మ భాగీరథీ
  పడతిం గన్న పదారవిందముల నే భావింతు నారాయణా !  - Added By Chary
  
  
• కడకుం బాయక వేయినోళ్ళు గల యా కాకోదరాధీశుఁడున్
  గడముట్ట న్వినుతింపలేక నిగుడన్ గ్రాలంగ నొప్పారు మి
  మ్మడరన్ సన్నుతి సేయ నాదువశమే! యజ్ఞాని లోభాత్ముఁడన్
  జడుఁడ న్నజ్ఞుఁడ నైకజిహ్వుఁడ జనస్తబ్ధుండ నారాయణా !  - Added By Chary
  
  
• కరినాథుండు జలగ్రహగ్రహణ దుఃఖాక్రాంతుఁడై యీశ మీ
  శరణం బన్నఁ గృశాను భానుశతతేజస్ఫూర్తి యైనట్టి మీ
  కరచక్రంబున నక్రకంఠము వెసన్ ఖండించి మించెం దయా
  పరసద్భక్త భయానక ప్రకర సత్ప్రాకట్య నారాయణా !  - Added By Chary
  
  
• కలయ న్వేదములున్ బురాణములు బ్రఖ్యాతంబుగా తెల్పి మీ
  వలనన్ భక్తి విహీనుఁడైన పిదపన్ వ్యర్థప్రయత్నంబె పో
  గులకాంతామణి గొడ్డువోయిన గతిం గొవ్వారుసస్యంబు దా
  ఫలకాలంబుల నీచపోవు పగిదిన్ పద్మాక్ష, నారాయణా !  - Added By Chary
  
  
• కలయం దిక్కులు నిండి చండతరమై కప్పారు మేఘౌఘముల్
  వెలయన్ ఘోరసమీరణస్ఫురణచే వే పాయుచందంబునన్
  జలదంభోళి మృగాగ్నితస్కరరుజాశత్రోరగవ్రాతముల్
  దొలఁగు న్మీ దగు దివ్యమంత్రపఠనన్ దోషఘ్న, నారాయణా !  - Added By Chary
  
  
• కలితాఘౌఘ వినాశకారి యగుచుం గైవల్య సంధాయియై
  నలి నొప్పారెడు మంత్రరాజ మగు నీ నామంబు ప్రేమంబునన్
  అలరన్నెవ్వని వాక్కునం బొరయదో యన్నీచు దేహంబు దా
  వెలయన్ భూరుహకోటరం బదియ సూ వేదాత్మ నారాయణా !  - Added By Chary
  
  
• కలిధర్మంబునఁ బాపసంకలితులై గర్వాంధులై తుచ్ఛులై
  కులశీలంబులు మాని హేయగతులం గ్రొవ్వారు దుష్టాత్ములం
  బలిగాఁ జేయఁ దలంచి ధర్మ మెలమిం బాలించి నిల్పంగ మీ
  వలనం గల్క్యవతార మొందఁగల నిన్ వర్ణింతు నారాయణా !  - Added By Chary
  
  
• కలుషాగాథవినాశకారి యగుచుం గైవల్యసంధాయియై
  నలి నొప్పారెడు మంత్రరాజమగు నీ నామంబు ప్రేమంబుతో
  నలర న్నెవ్వని వాక్కునం బొరయదే నన్నీచు ఘోరాత్మయున్
  వెలయన్ భూరుహకోటరం బదియ సూ వేదాత్మ, నారాయణా !  - Added By Chary
  
  
• కసవొప్పన్ పసి మేసి ప్రొద్దు గలుగం గాంతారముం బాసి య
  ప్పసియు న్నీవును వచ్చుచో నెదురుఁగా బైకొన్న గోపాంగనా
  రసవద్వృత్తపయోధరద్వయ హరిద్రాలేపనామోదముల్
  పసిఁ గొంచున్ బసిఁ గొంచు వచ్చుటలు నే భావింతు, నారాయణా !  - Added By Chary
  
  
• కాళిందీతటభూమి నాలకదుపుల్ కాలూఁది మేయన్ సము
  త్తాలాలోల తమాలపాదప శిఖాంతస్థుండవై వేణురం
  ధ్రాలిన్ రాగరసంబు నిండ విలసద్రాగంబు సంధించి గో
  పాలవ్రాతము గండుగోయిలలుగా వర్ణింతు, నారాయణా !  - Added By Chary
  
  
• కుల మెన్నం గొల దేల యేకులజుఁడుం గోత్రాభిమానాభిలా
  షలునజ్ఞానము బాసి జ్ఞానము మదిన్ సంధించి శుద్ధాత్ముఁడై
  యలరారం బరుసంబు సోఁకు నిను మున్ హేమాకృతిస్తోమమై
  వెలయు న్నాగతివాఁడు ముక్తి కరుగున్ వేదాత్మ నారాయణా !  - Added By Chary
  
  
• కేలన్ గోలయు గూటిచిక్కము నొగిం గీలించి నెత్తంబునం
  బీలీపించముఁ జుట్టి నెన్నడుమునం బింఛావళిన్ గట్టి క
  ర్ణాలంకార కదంబగుచ్ఛ మధుమత్తాలీస్వనం బొప్ప నీ
  వాలన్ గాచినభావ మిట్టి దని నే వర్ణింతు, నారాయణా !  - Added By Chary
  
  

ఖ (0)     Add New Padyam      

---

గ (2)     Add New Padyam      

---

• గగనాద్యంచిత పంచభూతమయమై కంజాతజాండావలిన్
  సగుణబ్రహ్మమయాఖ్యతం దనరుచున్ సంసారివై చిత్కళా
  సుగుణంబై విలసిల్లు దీవు విపులస్థూలంబు సూక్ష్మంబునై
  నిగమోత్తంస గుణావతంస సుమహానిత్యాత్మ, నారాయణా !  - Added By Chary
  
  
• గణుతింపన్ బహుధర్మశాస్త్రనిగమౌఘం బెప్పుడు న్ని న్నకా
  రణబంధుండని చెప్ప నత్తెఱఁగు దూరం బందకుండంగ నే
  బ్రణతుల్ జేసెదఁ గొంతయైన గణుతింపం బాడి లేకుండినన్
  ఋణమా నానుతి నీవు శ్రీపతివి నీ కే లప్పు? నారాయణా !  - Added By Chary
  
  

ఘ (1)     Add New Padyam      

---

• ఘనభోగాస్పదులై గతౌఘమతులై కారుణ్యులై ముక్తులై
  ధనకీర్తిప్రదులై దయాభిరతులై ధర్మాత్ములై నిత్యులై
  మనుజాధీశ్వరులై మనోజనిభులై మాన్యస్థులై స్వస్థులై
  యొనర న్నొప్పెడువారు నీ పదరుచి న్నూహించు నారాయణా !  - Added By Chary
  
  

ఙ (0)     Add New Padyam      

---

చ (4)     Add New Padyam      

---

• చదువుల్ పెక్కులు సంగ్రహించి పిదపం జాలంగ సుజ్ఞాని యై
  మదిలోఁ బాయక నిన్ను నిల్పఁదగు నామర్మంబు వీక్షింపఁడే
  మొదలం గాడిద చారుగంధవితతుల్ మోవంగ శక్యంబె కా
  కది సౌరభ్యపరీక్ష జూడ కుశలే యవ్యక్త నారాయణా !  - Added By Chary
  
  
• చన్నుల్ మీదిఁకి చౌకళింప నడుముం జవ్వాడ కందర్పసం
  పన్నాఖ్యంబు నటించు మాడ్కి కబరీభారంబు లూటాడఁగా
  విన్నాణంబు నటింప గోపజన గోబృందంబుతో వచ్చు మీ
  వన్నెల్ కన్నుల ముంచి గ్రోలుటలు నే వర్ణింతు, నారాయణా !  - Added By Chary
  
  
• చల్ల ల్వేఱొకయూర నమ్ముకొను నాసం బోవుచోఁ ద్రోవ నీ
  వుల్లాసంబున నడ్డకట్టి మదనోద్యోగానులాపాంబులన్
  చల్లన్ జల్లనిచూపు జల్లు మని గోపస్త్రీలపైఁ జల్లు మీ
  చల్లంబోరుతెఱంగు జిత్తమున నే జర్చింతు నారాయణా !  - Added By Chary
  
  
• చెల్లం జేసితి పాతకంబులు మదిన్ శ్రీనాథ మీ నామముల్
  పొల్లుల్ బోవని నమ్మి పద్యశతమున్ బూర్ణంబుగాఁ జెప్పితిన్
  చెల్లంబో నను నమ్మె వీఁడని దయం జేపట్టి రక్షింపుమీ
  తల్లిం దండ్రియు నీవుగాక యొరులే తర్కింప నారాయణా !  - Added By Chary
  
  

ఛ (0)     Add New Padyam      

---

జ (2)     Add New Padyam      

---

• జగదాధారక భక్తవత్సల కృపాజన్మాలయాపాంగ ! భూ
  గగనార్కేందుజలాత్మపావక మరుత్కాయా ! ప్రదీపప్రయో
  గి గణస్తుత్య మహాఘనాశన ! లసద్గీర్వాణ సంసేవితా !
  త్రిగుణాతీత ! ముకుంద ! నాదు మదిలో దీపింపు, నారాయణా !  - Added By Chary
  
  
• జడ యెంతేఁ దడ వయ్యె జెయ్యి యలసెన్ శైలంబు మాచేతులం
  దిడు మన్నన్ జిరునవ్వుతో వదలినన్ హీనోక్తి గీపెట్ట నె
  క్కుడు గోవుల్ బ్రియమంద నింద్రుఁ డడలం గోవర్ధనాద్రీంద్రమున్
  గొడుగై యుండగఁ గేలఁ బూనితి గదా గోవింద, నారాయణా !  - Added By Chary
  
  

ఝ (0)     Add New Padyam      

---

ఞ (0)     Add New Padyam      

---

ట (0)     Add New Padyam      

---

ఠ (0)     Add New Padyam      

---

డ (0)     Add New Padyam      

---

ఢ (0)     Add New Padyam      

---

ణ (0)     Add New Padyam      

---

త (4)     Add New Padyam      

---

• తనకున్ సాత్వికసంపదాన్విత మహాదాసోహభావంబునన్
  ననయంబు న్మది నన్యదైవభజనం బారంగ దూలింపుచున్
  జనితాహ్లాదముతోడ నీ చరణముల్ సద్భక్తి పూజించి నిన్
  గనుగొన్నంతనె కల్మషంబు లడఁగుం గర్మఘ్న నారాయణా !  - Added By Chary
  
  
• తనచిత్తాబ్జము మీ పదాబ్జములకుం దాత్పర్యసద్భక్తి తం
  తున బంధించిన బంధనంబు కతనం దుష్పాపపుంజంబు లె
  ల్లను విచ్ఛిన్నములై యడంగు మహిమోల్లాసాబ్ధి యైనట్టి దా
  సున కింపొందును మోక్షవైభవము దా సుశ్లోక నారాయణా !  - Added By Chary
  
  
• తనువుం జీవుఁడు నేక మైనపిదపన్ ధర్మక్రియారంభుఁడై
  యనయంబు న్మది దన్నెఱుంగక తుది న్నామాయచే మగ్నుఁడై
  తనుతత్త్వాదివియోగమైన పిదపం దా నేర్చునే నీదు ద
  ర్శన మింపారఁగ భక్తివైభవ మహాసంకాశ నారాయణా !  - Added By Chary
  
  
• తపముల్ మంత్రసమస్తయజ్ఞఫలముల్ దానక్రియారంభముల్
  జపముల్ పుణ్యసుతీర్థసేవఫలముల్ సద్వేదవిజ్ఞానమున్
  ఉపవాసవ్రతశీలకర్మఫలముల్ ఒప్పార నిన్నాత్మలో
  నుపమింపం గలవారికే గలుగు వేయు న్నేల నారాయణా !  - Added By Chary
  
  

థ (0)     Add New Padyam      

---

ద (1)     Add New Padyam      

---

• దళదిందీవర నీలనీరద సముద్యద్భాసితాకార, శ్రీ
  లలనా కౌస్తుభచారువక్ష విబుధశ్లాఘోద్భవస్థాన కో
  మల నాభీచరణారవిందజనితామ్నాయాద్య గంగా ! లస
  జ్జలజాతాయతనేత్ర నిన్ను మదిలోఁ జర్చింతు నారాయణా !  - Added By Chary
  
  

ధ (3)     Add New Padyam      

---

• ధర గ్రామాధిపు నింటిదాసుఁడు వెసం దా ద్రోహిముం జేసినన్
  పరగం జెల్లుట సూచి తీ భువనసంపాద్యుండ వైనట్టి మీ
  వరదాసావలి దాసదాసి నని దుర్వారౌఘముల్ జేసితిన్
  కరుణం జేకొని కావుమయ్య త్రిజగత్కల్యాణ నారాయణా !  - Added By Chary
  
  
• ధర సింహాసనమై నభంబు గొడుగై తద్దేవతల్ భృత్యులై
  పరమామ్నాయము లెల్ల వందిగణమై బ్రహ్మాండ మాగారమై
  సిరి భార్యామణియై విరించి కొడుకై శ్రీరంగ సత్పుత్రియై
  వరుస న్నీఘన రాజసంబు నిజమై వర్ధిల్లు నారాయణా !  - Added By Chary
  
  
• ధరణిన్ రక్తమహాహ్రదంబు లెలమిం ద్రైలోక్య నిర్దిష్టమై
  పరగం బైతృక తర్పణంబు కొరకై ప్రఖ్యాతిగాఁ దీవ్రతన్
  నిరువై యొక్కటిమారు క్షత్రవరుల న్నేపార నిర్జించి త
  త్పరశుభ్రాజిత రామనామము కడున్ ధన్యంబు నారాయణా !  - Added By Chary
  
  

న (11)     Add New Padyam      

---

• నరసింహాచ్యుత వాసుదేవ వికసన్నాళీకపత్రాక్ష భూ
  ధర గోవింద ముకుంద కేశవ జగత్త్రా తాహితల్పాంబుజో
  దర దామోదర తార్క్ష్యవాహన మహాదైత్యారి వైకుంఠమం
  దిర పీతాంబర భక్తవత్సల కృపన్ దీవింపు నారాయణా !  - Added By Chary
  
  
• నిను వర్ణింపని నీచబంధమతి దా నిర్మగ్నమూఢాత్ముఁడై
  పెనుదైవంబులఁ గోరి తా మనమునన్ సేవించుచందంబు తా
  నవలం బారిన భూతియందు వెలయ న్నాజ్యాహుతుల్ పూని వే
  ల్చిన చందంబున వ్యర్థమై తనరు జూ చిద్రూప నారాయణా !  - Added By Chary
  
  
• నిను వర్ణింపనివాఁడు మూఁగ మదిలో నీ నామమున్ వీనులన్
  విని మోదింపనివాఁడు చెవ్డు మరి నిన్ వేడ్కన్ మనోవీథినిన్
  గని పూజింపనివాఁడు నాశకరుఁడౌ కర్మక్రియారంభుఁడై
  తనలోఁ గాననివాఁడు నీచమతి పో తత్వజ్ఞ నారాయణా !  - Added By Chary
  
  
• నినుఁ వర్ణింపని జిహ్వ దాఁ బదటికా? నీలాభ్రదేహాంగకా
  నిను నాలింపని చెవ్లు దాఁ బదటికా? నీరేజపత్రేక్షణా
  నినుఁ బూజింపని కేలు దాఁ బదటికా? నిర్వాహకక్ష్మాతలా
  నినుఁ జింతింపని యాత్మ దాఁ బదటికా? నిర్వాణ నారాయణా !  - Added By Chary
  
  
• నిరతానందవియోగులై నియతులై నిర్భాగ్యులై నీచులై
  కరుణాహీనమనస్కులై మలినులై కష్టాత్ములై నష్టులై
  పరుషవ్యాధినిబద్ధులై పతితులై భగ్నాంగులై మ్రగ్గువా
  రరయ న్ని న్నొగి నాత్మయం దిడనివా రబ్జాక్ష నారాయణా !  - Added By Chary
  
  
• నీ పుత్రుండు చరాచరప్రతతుల న్నిర్మించి పెంపారఁగా
  నీ పుణ్యాంగన సర్వజీవతతుల న్నిత్యంబు రక్షింపఁగా
  నీ పాదోదక మీజగత్రయముల న్నిష్పాపులం జేయఁగా
  నీ పెంపేమని చెప్పవచ్చు సుగుణా నిత్యాత్మ నారాయణా !  - Added By Chary
  
  
• నీ మూర్తుల్ గన నీ కథల్ వినఁ దుదిన్ నీ పాద నిర్మాల్యని
  ష్ఠామోదంబు నెఱుంగ, నీ చరణతోయంబాడ, నైవేద్యముల్
  నీమం బొప్ప భజింప నీ జపము వర్ణింపన్ గృపం జేయవే
  శ్రీ మించన్ బహుజన్మ జన్మములకున్ శ్రీయాదినారాయణా !  - Added By Chary
  
  
• నీలగ్రీవుఁడు చేతిపున్క విడిచె న్నీయింతి భిక్షంబునన్
  నీలగ్రీవుఁడు యీశ్వరాఖ్యఁ దనరె న్నీ నామజప్యంబునన్
  నీలగ్రీవుఁడు మించి త్రుంచెఁ బురముల్ నీ ప్రాపు సేవించినన్
  నీలగ్రీవ ముఖాబ్జభాస్కర కృపానిత్యాత్మ నారాయణా !  - Added By Chary
  
  
• నీవే తల్లివి నీవె తండ్రి వరయ న్నీవే జగన్నాథుఁడౌ
  నీవే నిశ్చలబాంధవుండ వరయ న్నీవే మునిస్తుత్యుఁడౌ
  నీవే శంకరమూలమంత్ర మరయ న్నీవే జగత్కర్తవున్
  నీవే దిక్కనువారి వారలె కడు న్నీవారు నారాయణా !  - Added By Chary
  
  
• నెరయ న్నిర్మల మైన నీ స్తుతికథానీకంబు పద్యంబులో
  నొరుగుల్ మిక్కిలి గల్గెనేనియుఁ గడు న్యోగ్యంబె చర్చింపఁగాఁ
  గుఱుగణ్పైనను వంకబోయినఁ గడుం గుజ్జైనఁ బేడెత్తినం
  జెఱకుం గోలకు తీపు గాక కలదే చేదెందుఁ నారాయణా !  - Added By Chary
  
  
• నే నీదాసుఁడ నీవు నా పతివి నిన్నే కాని యొండెవ్వరిన్
  ధ్యానింపం బ్రణుతింప నట్లగుటకు న్నానేర్చుచందంబునన్
  నీ నామస్తుతు లాచరించు నెడల న్నేతప్పులుం గల్గినన్
  వానిన్ లోఁ గొనుమయ్య తండ్రి ! విహితవ్యాపార నారాయణా !  - Added By Chary
  
  

ప (12)     Add New Padyam      

---

• పటుగర్భాంతరగోళభాగమున నీ బ్రహ్మాండభాండంబు ప్రా
  కట దివ్యాద్భుతలీలఁ దాల్చి మహిమం గల్పాంత మంభోధిపై
  వటపత్రాగ్రముఁ జెంది యొప్పిన మిము న్వర్ణింపఁగా శక్యమే
  నిటలాక్షాంబురుహాసనాదికులకు న్నిర్వాణ, నారాయణా !  - Added By Chary
  
  
• పరమంబై పరతత్వమై సకలసంపత్సారమై భవ్యమై
  సురసిద్ధోరగయక్ష పక్షి మునిరక్షో హృద్గుహాభ్యంతర
  స్థిరసుజ్ఞానసుదీపమై శ్ర్తుతికళాసిద్ధాంతమై సిద్ధమై
  సరి లే కెప్పుడు నీదునామ మమరున్ సత్యంబు, నారాయణా !  - Added By Chary
  
  
• పరమజ్ఞాన వివేక పూరిత మహా భవ్యాంతరాళంబునన్
  పరగ న్నీ నిజనామమంత్ర మొనరన్ భక్తి న్ననుష్ఠింపుచుం
  దురితాన్వేషణ కాలభూతము వెసన్ దూలంగ వాకట్టు వాఁ
  డరుగున్ భవ్యపదంబు నొందుటకునై యవ్యక్త నారాయణా !  - Added By Chary
  
  
• పరికింపన్ హరిభక్తి భేషజునకున్ భవ్యంబు గా మీఁద మీ
  చరణాంభోరుహదర్శనంబు గలదే సంప్రీతి నెట్లన్నఁ దా
  ధరలోఁ జోరుఁడు గన్న దుస్తర పరద్రవ్యంబుపై నాశలం
  బొరయ న్నేర్చునె దుర్లభం బగు గృపాంభోజాక్ష నారాయణా !  - Added By Chary
  
  
• పరిపంధిక్రియ నొత్తి వెంటఁ బడునప్పాపంబుఁ దూలించి మీ
  చరణాబ్జస్థితి పంజరంబు శరణేచ్ఛం జొచ్చితిం గావు మీ
  బిరుదుం జూడుము మీరు సూడఁగ భవద్భృత్యుండు దుఃఖంబులం
  బొరయ న్నీ కపకీర్తి గాదె శరదంభోజాక్ష నారాయణా !  - Added By Chary
  
  
• పరుషాలాపము లాడ నోడి మది నీపాపార్జనారంభుఁడై
  నిరసిం చేరికిఁ గీడుసేయక మది న్నిర్ముక్తకర్ముండునై
  పరమానంద నిషేధముల్ సమముగా భావించి వీక్షించు నా
  పరమజ్ఞాని భవత్కృపం బొరయు నో పద్మాక్ష నారాయణా !  - Added By Chary
  
  
• పసులంగాపరి యే మెఱుంగు మధురప్రాయోల్లసద్వృత్తవా
  గ్విసరారావము మోవి దా వెదురుగ్రోవిం బెట్టినాఁ డంచు నిన్
  గసటుల్ సేయఁగ నాఁడు గోపిక లతద్గానంబులన్ మన్మథ
  వ్యసనాసక్తులఁ జేయుచందములు నే వర్ణింతు, నారాయణా !  - Added By Chary
  
  
• పురము ల్మూడును మూడులోకములు నేప్రొద్దు న్విదారింపఁ ద
  త్పురనారీ మహిమోన్నతుల్ సెడుటకై బుద్ధుండవై బుద్ధితో
  వరబోధద్రుమ సేవఁ జేయుటకునై వారిం బ్రభోధించి య
  ప్పురముల్ గెల్చిన నీ యుపాయము జగత్పూజ్యంబు నారాయణా !  - Added By Chary
  
  
• పెరుగుల్ ద్రచ్చుచు నొక్కగోపిక మిముం బ్రేమంబునం జూచి రా
  గ రసావేశత రిత్త ద్రచ్చనిడ నా కవ్వంబు నీవు న్మనో
  హరలీలం గనుగొంచు ధేను వని యయ్యాబోతునుం బట్టి తీ
  వరవృత్తాంతము లేను పుణ్యకథగా వర్ణింతు, నారాయణా !  - Added By Chary
  
  
• పొనర న్ముక్తికిఁ ద్రోవ వేదములకుం బుట్టిల్లు మోదంబునం
  దునికిస్థానము నిష్టభోగములకు న్నుత్పత్తి యేప్రొద్దునున్
  ఘనపాపంబుల వైరి షడ్రిపులకున్ గాలావసానంబు మీ
  వినుతాంఘ్రిద్వయపద్మసేవన గదా విశ్వేశ, నారాయణా !  - Added By Chary
  
  
• ప్రభ మీ నాభి జనించినట్టి విలసత్పద్మోరుసద్మంబునం
  బ్రభవంబైన విరించి ఫాలజనిత ప్రస్వేదసంభూతుఁడై
  యభిధానంబును గోరి కాంచెను భవుం డార్యేశు లూహింపఁగా
  నభవాఖ్యుండవు నిన్నెఱుంగవశమే యబ్జాక్ష, నారాయణా !  - Added By Chary
  
  
• ప్రమదం బారఁగ పుణ్యకాలగతులన్ భక్తి న్ననుష్ఠింపుచున్
  నమర న్నన్న సువర్ణగోసలిల కన్యాధారుణి గ్రామ దా
  నము లామ్నాయ విధోక్తి భూసురులకున్ సన్మార్గుఁడై యిచ్చువాఁ
  డమరేంద్రార్చిత వైభవోన్నతుఁడగు న్నామీఁద నారాయణా !  - Added By Chary
  
  

ఫ (0)     Add New Padyam      

---

బ (2)     Add New Padyam      

---

• బలుకర్మాయత పాశబంధవితతిన్ బాహాపరిశ్రేణికిన్
  జలయంత్రాన్విత బంధయాతనగతిన్ సంసారకూపంబులో
  నలరం ద్రిమ్మరుచుండు నన్ను నకటా ! యార్తుండనై వేఁడెదన్
  వెలయ న్నీకృపచేతఁ జేకొనవె నన్ వేవేగ నారాయణా !  - Added By Chary
  
  
• బ్రహ్మాండావలిలోన సత్వగుణివై బాహ్యంబునం దాదిమ
  బ్రహ్మాఖ్యం బరతత్వభోగములకున్ భవ్యాధినాథుండవై
  బ్రహ్మేంద్రామరవాయుభుక్పతులకున్ భావింప రాకున్న నా
  జిహ్మవ్యాపుల నెన్న నాదు వశమే చిద్రూప నారాయణా !  - Added By Chary
  
  

భ (4)     Add New Padyam      

---

• భవనాశిన్ గయ తుంగభద్ర యమునన్ భాగీరథిం గృష్ణవే
  త్రవతి న్నర్మద పెన్న గౌతమి పయోరాశి న్వియద్గంగ యం
  దవగాహంబున నైన పుణ్యములు బెంపారంగ నేఁ డిచ్చటన్
  భవదంఘ్రిస్మరణంబునం గలుగు పో పద్మాక్ష నారాయణా !  - Added By Chary
  
  
• భవరోగంబుల మందు పాతకతమోబాలార్కబింబంబు క
  ర్మ విషజ్వాలసుధాంశుగామృత తుషారవ్రాతపాథోధిమూ
  ర్తివి కైవల్యపదావలోకన కళాదివ్యాంజనశ్రేష్ఠమై
  భువిలో మీదగు మంత్రరాజ మమరున్ భూతాత్మ, నారాయణా !  - Added By Chary
  
  
• భీమాకారవరాహమై భువనముల్ భీతిల్లి కంపింప ను
  ద్దామోర్విం గొనిపోయి నీరనిధిలో డాఁగున్న గర్వాంధునిన్
  హేమాక్షాసురు వీఁకఁ దాకిఁ జయలక్ష్మిన్ గారవింపంగ నీ
  భూమిం దక్షిణదంష్ట్ర నెత్తిన నినున్ బూజింతు నారాయణా !  - Added By Chary
  
  
• భూతవ్రాతము నంబుజాసనుఁడవై పుట్టింతు విష్ణుండవై
  ప్రీతిం బ్రోతు హరుండవై చెఱుతు నిర్భేద్యుండవై త్రైగుణో
  పేతంబై పరమాత్మవై నిలుతు నీ పెంపెవ్వరుం గాన ర
  బ్జాతోద్భూతసుజాతపూజితపదాబ్జశ్రేష్ట, నారాయణా !  - Added By Chary
  
  

మ (6)     Add New Padyam      

---

• మగమీనాకృతి వార్థిఁ జొచ్చి యసుర న్మర్దించి యవ్వేదముల్
  మగుడం దెచ్చి విరించి కిచ్చి యతని న్మన్నించి యేపారఁగాఁ
  బగ సాధించిన దివ్యమూర్తి వని నే భావింతు నెల్లప్పుడున్
  ఖగరాజధ్వయ భక్తవత్సల జగత్కారుణ్య నారాయణా !  - Added By Chary
  
  
• మదిలో నుత్తమభక్తి పీఠముపయిన్ మానాథ మీపాదముల్
  గదియం జేర్చిన వాని కే నొడయడన్ గా దంచు నత్యున్నతిన్
  పదిలుం డై సమవర్తి మృత్యువునకున్ బాఠంబుగాఁ బల్కు మీ
  పదపద్మార్చకు లెంత పుణ్యులొ కృపాపారీణ నారాయణా !  - Added By Chary
  
  
• మన మార న్నచలేంద్రజాధిపతికి న్మస్తాగ్రమాణిక్యమై
  మునికోపానలదగ్ధ రాజతతికి న్ముక్తిస్ఫురన్మార్గమై
  యెనయన్ సాయకశాయికిం జననయై యేపారు మిన్నేటికిం
  జని మూలంబగు నంఘ్రి నాదు మదిలోఁ జర్చింతు నారాయణా !  - Added By Chary
  
  
• మమహంకార వికారసన్నిభ మహామత్తాది లోభాంధకా
  రముచే ముక్తికి నేఁగుమార్గ మెఱుగన్ రా దింక నాలోన నీ
  విమలాపాంగ దయా దివాకరరుచిన్ వెల్గింపు మింపార నో
  కమలానంద విహారవక్షలలితా ! కంజాక్ష ! నారాయణా !  - Added By Chary
  
  
• మహియు న్నాకసముం బదద్వయ పరీమాణంబుగాఁ బెట్టి యా
  గ్రహ మొప్పం బలిమస్తకం బొక పదగ్రస్తంబుగా నెమ్మితో
  విహరించింద్ర విరించి శంకర మహావిర్భూత దివ్యాకృతిన్
  సహజంబై వెలసిల్లు వామన లసచ్చారిత్ర నారాయణా !  - Added By Chary
  
  
• మాపాలం గడుగ్రొవ్వి గోపికలతో మత్తిల్లి వర్తింతువే
  మాపాలెంబుల వచ్చి యుండుదు వెస న్మాపాలలో నుండు మీ
  మాపా లైన సుఖాబ్ధిలో మునుగుచున్ మన్నించి తా గొల్లలన్
  మాపాలం గలవేల్పు వీవె యని కా మన్నింతు, నారాయణా !  - Added By Chary
  
  

య (1)     Add New Padyam      

---

• యదువంశంబునఁ గృష్ణు కగ్రజుఁడవై యాభీల శౌర్యోన్నతిన్
  మదవద్ధేనుక ముష్టికాద్యసురులన్ మర్దించి లీలారసా
  స్పద కేళీ రతి రేవతీ వదన కంజాతాంతభృంగం బనన్
  విదితంబౌ బలరామమూర్తివని నిన్ వీక్షింతు నారాయణా !  - Added By Chary
  
  

ర (3)     Add New Padyam      

---

• రమణీయంబుగ నాదిమంబు నవతారంబున్ భవద్దివ్యరూ
  పము నామామృతమున్ దలంప దశకప్రాప్తయ్యెఁ గృష్ణావతా
  రము సుజ్ఞానము మోక్షమున్ ద్వివిధసంప్రాప్తిన్ శతాంధ్రాఖ్య కా
  వ్యము నర్పించితి మీ పదాబ్జములకున్ వైకుంఠ నారాయణా !  - Added By Chary
  
  
• రసనాగ్రంబున నీదు నామరుచియున్ రమ్యంబుగాఁ జెవ్లుకు
  న్నసలారంగ భవత్కథాభిరతియున్ హస్తాబ్జయుగ్మంబులన్
  వెస నీ పాదసుపూజితాదియుగమున్ విజ్ఙానమధ్యాత్మకున్
  వెస నింపొందనివాఁడు దాఁ బశువు సూ వేదాత్మ, నారాయణా !  - Added By Chary
  
  
• రాణించెన్ గడు నంచు నీ సహచరుల్ రాగిల్లి సోలంగ మీ
  వేణుక్వాణము వీనులం బడి మనోవీథుల్ బయల్ ముట్టఁగా
  ఘోణాగ్రంబులు మీదిఁ కెత్తుకొని లాంగూలంబు లల్లార్చి గో
  శ్రేణుల్ చిందులు ద్రొక్కి యాడుటలు నేఁ జర్చింతు, నారాయణా !  - Added By Chary
  
  

ల (4)     Add New Padyam      

---

• లలిఁ గబ్బంబు కరాట మివ్వసుధ నెల్ల న్మించెఁ బో నీకథా
  వళి కర్పూరము నించిన న్నితరమౌ వ్యర్థార్థకామోదముల్
  పెలుచం బూనిన యక్కరాటము తుదిన్ బేతేకరాటంబె పో
  చలదిందీవరపత్రలోచన ఘనశ్యామాంగ నారాయణా !  - Added By Chary
  
  
• లలితంబైన భవత్తనూవిలసనన్ లావణ్యదివ్యామృతం
  బలుఁగు ల్వారఁగ నీ కటాక్షమునఁ దా మందంద గోపాంగనల్
  తలఁపు ల్పాదులు కట్టి కందళిత నూత్నశ్రీలు వాటింతు రా
  నెలతల్ తీవెలు చైత్రవిస్ఫురణమౌ నీ యొప్పు నారాయణా !  - Added By Chary
  
  
• లలితాకుంచితవేణియం దడవిమొల్లల్ జాఱ ఫాలస్థలిన్
  దిలకం బొయ్యన జాఱఁ గుండలరుచుల్ దీపింప లేఁజెక్కులన్
  మొలకన్నవ్వుల చూపు లోరగిల మే న్మువ్వంకలన్ బోవఁగా
  నలి గైకొందువు గాదె నీవు మురళీనాట్యంబు, నారాయణా !  - Added By Chary
  
  
• లీలన్ పూతన ప్రాణవాయువులు పాలిండ్లందు వెళ్ళించి, దు
  శ్శీలుండై చను బండిదానవు వెసం జిందై పడం దన్ని యా
  రోల న్మద్దులు గూల్చిధేనుదనుజున్ రోఁజంగ నీల్గించి వే
  కూలన్ కంసునిఁ గొట్టి గోపికలకోర్కుల్ దీర్తు, నారాయణా !  - Added By Chary
  
  

వ (10)     Add New Padyam      

---

• వరకాళిందితరంగడోలికలలో వైకుంఠధామంబులో
  వెర వొప్పార నయోధ్యలో మధురలో వ్రేపల్లెలో ద్వారకా
  పురిలో నాడెడుభంగి నాదుమదిలో భూరిప్రసన్నాననాం
  బురుహం బొప్ప నటించు టొప్పును సితాంభోజాక్ష, నారాయణా !  - Added By Chary
  
  
• వరనాభీధవళాంబుజోదరమునన్ వాణీశుఁ గల్పించి య
  ప్పురుషశ్రేష్ఠుని ఫాలమందు శివునిం బుట్టించి యామేటికిం
  బరమోత్తంసముగా వియత్తలనదిం బాదంబులం గన్న మీ
  సరి యెవ్వారలు మీరు దక్కఁగ రమాసాధ్వీశ, నారాయణా !  - Added By Chary
  
  
• వరుసం దాటకిఁ జంపి కైశికు మఘ స్వాస్థ్యంబు గావించి శం
  కరుచాపం బొగిఁ ద్రుంచి జానకిఁ దగం గల్యాణమై తండ్రిపం
  పరుదారన్ వనభూమి కేఁగి జగదాహ్లాదంబుగా రావణున్
  ధరణిం గూల్చిన రామనామము కడున్ ధన్యంబు నారాయణా !  - Added By Chary
  
  
• వరుసన్ గర్మపిపీలికాకృత తనూవల్మీకనాళంబులోఁ
  బరుషాకారముతో వసించిన మహా పాపోరగశ్రేణికిం
  బరమోచ్చాటనమై రహస్యమహిమం బాటింపుచున్నుండు మీ
  తిరుమంత్రం బగు మంత్రరాజ మమరుం దివ్యాత్మ, నారాయణా !  - Added By Chary
  
  
• విందు ల్వచ్చిరి మీ యశోదకడకు న్వేగంబె పొమ్మయ్యయో
  నందానందన ! చందనాంకురమ ! కృష్ణా ! యింకఁబో వేమి మా
  మందం జాతర సేయఁబోద మిదె రమ్మా యంచు మిమ్మెత్తుకో
  చందం బబ్బిన నుబ్బకుండుదురె ఘోషస్త్రీలు, నారాయణా !  - Added By Chary
  
  
• విందుల్ విందు లటంచు గోపరమణుల్ వ్రేపల్లెలోఁ బిన్ననాఁ
  డందెల్ మ్రోయఁగ ముద్దుమోమలర నిన్నాలింగితుం జేయుచో
  డెందంబుల్ దనివార రాగరసవీటీలీలలన్ దేల్చు మీ
  మందస్మేర ముఖేందురోచులు మము న్మన్నించు, నారాయణా !  - Added By Chary
  
  
• విదితామ్నాయ నికాయ భూతములలో విజ్ఞానసంపత్కళా
  స్పద యోగీంద్రమనస్సరోజములలో బ్రహ్మేంద్రదిక్పాలక
  త్రిదశవ్రాతకిరీట రత్నములలో దీపించుచున్నట్టి మీ
  పదపద్మంబులు భావగేహమున నే భావింతు నారాయణా !  - Added By Chary
  
  
• వెర వొప్ప న్బహుశాస్త్రమంత్రము లొగి న్వీక్షించి వే తెల్పి మీ
  వరనామామృతపూర మానుచుఁ దగన్ వైరాగ్యభావంబునన్
  సరి నశ్రాంతముఁ గోరువారు పిదపన్ సంసారమాతుఃపయో
  ధరదుగ్ధంబులు గ్రోల నేరరు వెసన్ దైత్యారి నారాయణా !  - Added By Chary
  
  
• వెలయన్ యౌవనకాలమందు మరుఁడున్ వృద్ధాప్యకాలంబునన్
  బలురోగంబులు నంత్య మందు యముఁడుం బాధింప నట్టైన యీ
  పలుజన్మంబులు చాల దూలితి ననుం బాలింపవే దేవ మీ
  ఫలితానంద దయావలోకనము నాపైఁ జూపు నారాయణా !  - Added By Chary
  
  
• వేదంబందు సునిశ్చయుండగు మహావేల్పెవ్వఁడో యంచు నా
  వేదవ్యాస పరాశరుల్ వెదకిన న్వేఱొండు లేఁడంచు మీ
  పాదాంభోజము లెల్లప్రొద్దు మదిలో భావింతు రత్యున్నతిన్
  శ్రీదేవీవదనారవిందమధుపా శ్రీరంగ నారాయణా !  - Added By Chary
  
  

శ (3)     Add New Padyam      

---

• శ్రీకిన్మందిరమైన వక్షము, సురజ్యేష్ఠోద్భవస్థాన నా
  భీకంజాతము, చంద్రికాంతర సుధాభివ్యక్త నేత్రంబులున్,
  లోకస్తుత్య మరున్నదీజనక మాలోలాంఘ్రియున్ గల్గు నా
  లోకారాధ్యుఁడ వైన నిన్నెపుడు నాలోఁ జూతు, నారాయణా !  - Added By Chary
  
  
• శ్రీనారాయణ యన్నఁ జాలు దురితశ్రేణి న్నివారింపఁగా
  నానందస్థితి గల్గు నంచు నిగమార్థానేక మెల్లప్పుడున్
  నానాభంగులఁ జెప్ప నేను విని శ్రీనారాయణా యంచు ని
  న్నే నే నెప్పుడు గొల్తు బ్రోవఁగదె తండ్రీ నన్ను నారాయణా !  - Added By Chary
  
  
• శ్రీరామామణిపాణి పంకజ మృదుశ్రీతజ్ఞపాదాబ్జ శృం
  గారాకారశరీర చారుకరుణాగంభీర సద్భక్త మం
  దారాంభోరుహపత్రలోచన కళాధారోరుసంపత్సుధా
  పారావార విహార ! నా దురితముల్ భంజింపు నారాయణా !  - Added By Chary
  
  

ష (0)     Add New Padyam      

---

స (7)     Add New Padyam      

---

• సతతాచారము సూనృతంబు కృపయున్ సత్యంబునున్ శీలమున్
  నతిశాంతత్వము చిత్తశుద్ధికరము న్నధ్యాత్మయున్ ధ్యానమున్
  ధృతియున్ ధర్మము సర్వజీవహితముం దూరంబు గాకుండ స
  మ్మతికిం జేరువ మీనివాససుఖమున్ మా నాథ నారాయణా !  - Added By Chary
  
  
• సరిఘోరాంధక బోధకారణ విపత్సంసార మాలిన్యమున్
  పరమానంద సుబోధకారణ లసద్భస్మంబుపై నూఁది యా
  నిరతజ్ఞానసుకాంతి దర్పణమున న్నిస్సంగుఁడై తన్ను దా
  నరయం గాంచినవాఁడు నిన్నుఁగనువాఁ డబ్జాక్ష, నారాయణా !  - Added By Chary
  
  
• సర్వంబున్ వసియించు నీ తనువునన్ సర్వంబునం దుండగా
  సర్వాత్మా ! వసియించు దీవని మదిన్ సార్థంబుగాఁ జూచి యా
  గీర్వాణాదులు వాసుదేవుఁ డనుచున్ గీర్తింతు రేప్రొద్దు నా
  శ్రీర్వాదంబు భవన్మహామహిమ లక్ష్మీనాథ, నారాయణా !  - Added By Chary
  
  
• సవిశేషోరు సువర్ణబిందు విలస చ్చక్రాంకలింగాకృతిన్
  భవుచే నుద్ధవుచేఁ బయోజభవుచేఁ బద్మారిచే భానుచే
  దివిజేంద్రాది దిశాధినాయకులచే దీప్యన్మునీంద్రాళిచే
  నవదివ్యార్చన లందుచుందువు రమానారీశ, నారాయణా !  - Added By Chary
  
  
• సుతదారాప్తజనాది విత్తములపై శూన్యాభిలాషుండు నై
  యతనోద్రేకయుతంబులై పొదలునయ్యై యింద్రియవ్రాతముల్
  మృతిఁ బొందించి దమంబునన్ శమమునన్ మీఱంగ వర్తించు ని
  ర్గతసంసారి భవత్కృపం బొరయ నో కంజాక్ష నారాయణా !  - Added By Chary
  
  
• స్తంభంబందు నృసింహమై వెడలి యచ్చండాట్టహాసధ్వనుల్
  దంభోళిం గడువంగ హేమకశిపోద్దండాసురాధీశ్వరున్
  శుంభద్గర్భము వ్రచ్చి వాని సుతునిన్ శోభిల్ల మన్నించి య
  జ్జభారాతిని బ్రీతిఁ దేల్చిన నినుం జర్చింతు నారాయణా !  - Added By Chary
  
  
• స్నానంబుల్ నదులందు జేయుట గజస్నానంబు చందంబగున్
  మౌనం బొప్ప జపించువేద మటవీ మధ్యంబులో నేడ్పగున్
  నానాహోమము లెల్ల బూడిదలలోన న్వేల్చు నెయ్యై చనున్
  నీనామోక్తియు నీ పదాబ్జరతియున్ లేకున్న నారాయణా !  - Added By Chary
  
  

హ (1)     Add New Padyam      

---

• హరుని న్నద్రిజ నాంజనేయుని గుహు న్నయ్యంబరీషున్ ధ్రువుం
  గరిఁ బ్రహ్లాదు విభీషణాఖ్యుని బలిన్ ఘంటాశ్రవు న్నారదున్
  గర మొప్పన్విదురున్ బరాశరసుతున్ గాంగేయునిన్ ద్రౌపదిన్
  నరు నక్రూరునిఁ బాయకుండును భవన్నామంబు, నారాయణా !  - Added By Chary
  
  

ళ (0)     Add New Padyam      

---

క్ష (0)     Add New Padyam      

---

ఱ (0)     Add New Padyam      

---