Type In Telugu
Article 231


తెలుగింటి సత్యభామ   (Page 1 Of 6)
Prev Article
 
Next Article
 

User Rating : Number Of Views : 1387
Votes: 10  (Vote) Posted On 8/22/2008 @3:00:20 PM
        
         " శ్రీకృష్ణాష్టమి " పర్వదిన సందర్భంగా ఆ నల్లనయ్య చల్లని దీవనలు అందరికీ లభించాలని ఆకాంక్షిస్తున్నాను.

         మరి, ఈ గోకులాష్టమినాడు ఆ గోవిందుని ప్రియాతిప్రియమైన సతీమణి సత్యభామ గురించి కాసేపు ముచ్చటించుకుందామా?

         సుమారు పాతికేళ్ళ క్రితం శ్రీ ఎస్వీ భుజంగరాయశర్మగారు ఆకాశవాణిలో కొన్ని సాహితీప్రసంగాలు చేశారు. అవి శ్రోతలను బాగా అలరించాయట! ఆ ప్రసంగవ్యాసాలను ఆలకించే అదృష్టం నాకు కలగలేదుకాని, ఆ తర్వాత కొంతకాలానికి ఆయన ప్రసంగాలు "దీపమాలిక" అనే పేరుతో పుస్తకరూపములో వచ్చినప్పుడు పఠించే భాగ్యం కలిగింది. వాటిల్లో ఆయన మన ప్రభంధనాయికల గురించి చాలా చక్కగా వ్రాశారు. ముఖ్యంగా "తెలుగింటి సత్యభామ" అనే వ్యాసం నన్ను బాగా ఆకట్టుకున్నది. దానిని మీ అందరి దృష్టికి తేవాలని ఈ ప్రయత్నం.

         ఇక చదవండి...

***        ***        ***        ***

         నిద్రలో వుండగా నన్ను తట్టిలేపి "మన ప్రబంధనాయికల్లో తెలుగువారింటి ఆడపడుచులున్నారా?" అని యెవరైనా అడిగితే, స్పృహ వచ్చీరాకముందే "ఉన్నది. ఒక్కతే ఒక్కతె. సత్యభామ. నందితిమ్మనగారి పారిజాతాపహరణం లో" అని చాలా ఖచ్చితంగా చెప్పేసి మరుక్షణం లో నిద్రలోకి జారిపోగలను.

         అంత ఖచ్చితంగా యెలా చెప్పగలనంటారా? వినండి.

         తెలుగు సాహిత్యములో సత్యభామను చదివి చదివీ, కూచిపూడివారి రంగవేదికలపై సత్యభామను చూచి చూచీ, తెలుగువారి సృజనాభిరతినీ, రసికాభిరుచినీ సత్యభామ యెంతగా కదిలించిందో తలచుకుని తలచుకునీ పరవశించిపోయేవారిలో నేనొకణ్ణి.

         మిగిలిన భారతీయులందరూ కృష్ణునికి రాధను ప్రియురాలిని చేసి, వారి ప్రణయానికి జీవేశ్వరసంబంధాన్ని భావిస్తొంటే తెలుగువారు మాత్రం తమ అంతరంగాల్లో కృష్ణుని సరసన సత్యభామనే నిలుపుకున్నారు. సత్యాకృష్ణుల ప్రణయాన్ని పచ్చని తెలుగుకాపురాల మూతిముడుపులూ, ఊరడింపులూ, ఆకుమడుపులూగానే వూహించుకుని ముచ్చటపడ్డారు.


View Comments(15)    Post a Comment    By - Satyanarayana Piska
 
      1  2  3  4  5         Page